旺角呢間地點更加方便，行完街，同朋友黎呢度食晚飯非常之好，卡位坐得舒服，又無時間限制嘅壓力。
值得一提服務都好好，帶眼鏡男職員唔洗寫低可以記得哂我點嘅食物。
前菜叫咗白酒忌廉汁青口配秘制醬料，海鮮嘅鮮美，再用香脆嘅麵包點醬料完美融合；
加錢要咗個香煎鵝肝，外皮微脆內裡仍然鮮嫩柔軟，搭配上酸甜的蘋果醬汁很解膩；另外，巴馬火腿配蜜瓜，好開胃；
兩個湯，一個招牌蟹肉龍蝦濃湯味道鮮美值得一試；雜菜湯健康又多料，又美味；
主菜香煎日本帆立貝蕃茄醬義大利麵，番茄的酸甜相輔相成，裹滿了醬汁的義大利面口感更加豐富；
炭燒美國豬鞍扒，鮮嫩多汁，軟硬適中，側邊又有d青瓜粒沙律，賣相十分誘人，好味，推介！！
甜品crème brûlée 焦糖布甸，甜而不膩，再加埋餐飲，成個晚餐非常滿足！！ 性價比高，內容豐富，會再encore！！
