德福閣

营业中

休息中

放假同老婆去食自助餐，揀咗性價比好高嘅德福閣。每位送四隻生蠔🦪，肥美又重海水味。自助區嘅八爪魚刺身都唔錯，鮮甜彈牙。壽司類都好受歡迎🍣。熟食方面最受歡迎係小籠包同埋海南雞。小籠包皮薄餡靚，多汁鮮味。海南雞皮滑肉嫩，配有三色醬汁。炸魚柳香脆可口，仲有少少魚油香。餐廳仲有即叫即製嘅生滾粥，有豬膶、皮蛋、田雞、滑雞等配料選擇。熱辣辣又鮮甜，仲可以自己加蔥花同脆脆。😆甜品方面比較推介桂花糕，清香唔過甜。芝士撻少少芝士鹹香又有牛油香。雪糕櫃仲有雪米糍同Cocobell雪糕杯。餐廳仲有唔少新鮮水果🍉🍍，加埋涼粉好消暑。