焯記

营业中

休息中

屋企樓下開咗新餐廳，主打上海麵，見到有優惠到店消費送小食一份或飲品，要即刻試一試。我點了炸豬扒上海麵加辣肉醬，豬扒炸得幾juicy，仲keep到嫩滑油花口感，幾正！湯底是日式湯底，辣肉醬同麵條好夾，鍾意食辣嘅話仲可以加埋枱頭的自家製櫻花蝦油，唔算好辣但係好有蝦香。老公揀咗墨魚條辣肉醬牛丸配出前一丁，偷食咗一條墨魚條超好味，墨魚條懷疑係自家打嗰啲，因為真係勁彈牙！辣肉醬出前一丁有新體會，都OK好食！港式滷水小食拼盤👉🏻生腸、雞腎、紅腸、豬舌、墨魚🦑呢個拼盤勁正呀，唔知以為去咗掃街，坐低慢慢嘆勁寫意！其中生腸同埋墨魚最正，口感夠晒爽脆！