上海婆婆336 (iSQUARE國際廣場)

营业中

休息中

係尖沙咀shopping完，又唔係好想食意粉牛扒戈啲，聽朋友介紹就去左食上海菜。今次介紹嘅上海菜位於尖沙咀iSquare 6樓，名叫《上海婆婆336》。336原來係上海話諧音謝謝儂。餐廳設計簡約，空間感大，坐得都幾舒服。蟹粉撈麵金黃色嘅蟹粉，味精非常濃郁，麵身又爽牙。四人套餐包括以下:336上海小籠包熱辣辣嘅小籠包，咬開薄薄嘅一層皮，啲汁爆哂出黎，好多肉汁又鮮甜。雲吞砂鍋雞砂鍋保溫能力極好，首先飲下個湯，好清甜同埋冇雞油嘅油膩感。雞都有半隻咁多，肉質鮮嫩又滑。雲吞皮薄餡靚，啖啖肉。四小拼四小拼其實就係四款小菜，比分開叫更加抵。小排骨、烤麩、肴肉同埋小竹荀。鎮江肴肉令人最深刻，水晶嘅顏色，肥而不膩，又有肉感。黑醋排骨排骨部位用咗半肥瘦，再加上黑醋慢煮，肉質自然唔會韌，黑醋又有酸甜嘅味道，好開胃。黃金四季豆鹹蛋黃醬完美包掛住四季豆，配合埋佢哋嘅菜飯一齊食，不知不覺就食晒成碗。野生椒牛仔肉雖然用咗野生辣椒去炒，但係其實唔會太辣，牛仔肉亦都好嫩滑。豆沙鍋餅到咗甜品嘅環節，新鮮即叫即做，打開仲有流心嘅豆沙餡，真係完美嘅一餐。✨人均200左右如果唔想錯過其他好介紹，記得follow我呀😘多謝大家！