德美壽司 (德民街)

营业中

休息中

有幾間分店嘅德美，紅磡店已經開業多年，出名價錢平民，食物選擇多，性價比高。 帶子沙律卷帶子飽滿，加埋蟹籽鮮味，卷入面嘅青瓜爽口，令成個沙律卷變得清爽。 什錦天婦羅天婦羅新鮮炸起好脆口，兩隻大虎蝦肉質實淨彈牙。 鰻魚炒飯好大鍋炒飯，鰻魚份量亦好多。大量嘅木魚絲鋪面，珍珠米炒得乾身得嚟醬汁平均分布，好惹味。 味醂雞泡魚干同平時食開嘅雞泡魚干好唔同，加咗味醂嘅關係，令到雞泡魚干唔柴口，容易咬開。味醂嘅甜味亦豐富咗味道層次。 七味燒墨魚咀/燒牛舌串燒火喉控制得好好，鹹香且juicy。墨魚咀Q彈，厚切嘅燒牛舌則啖啖肉。