18樓雞煲火鍋專門店

营业中

休息中

天氣開始轉涼，又係瘋狂食雞煲，邊爐，蛇羹，煲仔飯的時候，早兩日已經食了蛇羹同煲仔飯，今日就近近地，平平地去了老公公司附近的創興食雞煲加邊爐。因為平日，唔使點等位，價錢約2百幾1位，自選2個鐘。一黎就上雞煲，好快手，雞煲我選了中辣，好夠味，雞件唔鞋， 醬汁濃度適中，唔會過油。 食完雞煲之後再打邊爐，電話app落單，出面拎飲品。飲品多元化，有台式冷泡茶, 角色嘅汽水，養生茶，解茶等，種類很多。野食ok,種類亦很多，總有啱胃口的。值得一讚的是上早很快，份量準確，基本上沒有漏單，而且服務員態度非常好，隔離枱一直要求他幫忙拿東拿西，打斷佢執枱佢都冇不耐煩。另有乳酪雪糕, 有綠茶味原味，可自己搭配不同配料。由於上菜快，所以食兩個鐘係好輕鬆，唔會趕，地方算好坐，性價比高。