影片
更多
2022-04-27
8018 浏览
有返堂食之後我當然要猛虎出閘，於是我就同阿哥去咗食晚市酒店自助餐buffet，因為之前應承咗佢好耐終於可以兌現啦！.呢間 @parkcafebyndr 啲buffet都唔差喎，最緊要都幾抵食，佢哋而家做緊嘅叫「拾味南歐」海鮮自助晚餐，平日去都係$548位，如果like 佢哋社交平台仲有七折，圍返都係$400左右，而且我見到佢仲有生日優惠，四人同行其中生日果位可以免費，其他同行嘅朋友仲可以叨光有八五折😂都幾抵食，下次有朋友生日又同佢嚟食先😋.講番啲嘢食先，其實酒店自助餐都係大同小異，都係有海鮮區，熟食區，扒區，甜品區等等，佢呢度地方唔算大不過就叫做麻雀雖小，五臟俱全，種類都都好齊下，而且佢不斷fill返滿，甚少見到有狼藉缺少嘅情況味道方面又點呢？佢嘅海鮮大致都好新鮮，都係有白灼蝦，青口，花螺，花甲，長腳蟹，三文魚嗰啲大路嘢，正正常常咁，我食咗一兩輪海鮮就去專攻熟食，熟食方便都算不過不失，有蒜蓉焗蠔，西班牙烤雞，日式咖喱薯仔雞，紅酒燴牛柳粒等等我都食咗好多😋，最鍾意食嘅係佢嘅煎羊扒，師傅煎得好好好嫩啊，而且唔算好羶，酥皮湯都幾好飲，仲有片皮鴨都唔錯😋雖我見佢仲有小龍蝦，不過我唔係好識欣賞因
.
呢間 @parkcafebyndr 啲buffet都唔差喎，最緊要都幾抵食，佢哋而家做緊嘅叫「拾味南歐」海鮮自助晚餐，平日去都係$548位，如果like 佢哋社交平台仲有七折，圍返都係$400左右，而且我見到佢仲有生日優惠，四人同行其中生日果位可以免費，其他同行嘅朋友仲可以叨光有八五折😂都幾抵食，下次有朋友生日又同佢嚟食先😋
.
講番啲嘢食先，其實酒店自助餐都係大同小異，都係有海鮮區，熟食區，扒區，甜品區等等，佢呢度地方唔算大不過就叫做麻雀雖小，五臟俱全，種類都都好齊下，而且佢不斷fill返滿，甚少見到有狼藉缺少嘅情況
味道方面又點呢？佢嘅海鮮大致都好新鮮，都係有白灼蝦，青口，花螺，花甲，長腳蟹，三文魚嗰啲大路嘢，正正常常咁，我食咗一兩輪海鮮就去專攻熟食，熟食方便都算不過不失，有蒜蓉焗蠔，西班牙烤雞，日式咖喱薯仔雞，紅酒燴牛柳粒等等我都食咗好多😋，最鍾意食嘅係佢嘅煎羊扒，師傅煎得好好好嫩啊，而且唔算好羶，酥皮湯都幾好飲，仲有片皮鴨都唔錯😋雖我見佢仲有小龍蝦，不過我唔係好識欣賞因為唔係好識食😂
.
同我食個自助餐或者放題嘅朋友都應該知我食力驚人，我可以食咗好多轉😂😂同埋最後後我一定要食返一轉甜品同水果，值得一提佢呢度嘅雪糕係Moven pick 😍oh賣飛佛！我食咗五球啊好開心🥳又食到土門腸肥的一晚😋
.
本來我呢個月係減完肥之後嘅維持階段㗎，但係我發覺我真係食得太放縱，哈哈😆唔理啦，食咗先算，過幾日睇吓上磅咩料先啦，希望冇反彈得好犀利啦😂😂
张贴
