二鍋頭 (福苑)

营业中

休息中

網上見到依間放題好多人讚，今次大學同學聚會就選擇依度食任食雞/鴨/豬手煲+火鍋晚餐。一開始可以先揀食雞/火焰鴨煲/黑椒豬手煲，因為平時我同朋友都成日食雞煲，所以就點左鴨同豬手煲。火焰鴨煲好有驚喜，店員上菜時會淋酒再點火再快炒，鴨肉風味十足，肉質嫰滑。黑椒豬手煲都好特別，味道濃郁，豬手口感不錯，食完又想再食。最後開始打邊爐，今次揀左個正宗豬骨湯底，店員會換一個全新嘅煲上，唔似一般餐廳咁用返原本嗰個。落單嘅時候有好多食物可以選擇，同時都有食物自助區，同任飲啤酒、氣水同枝裝涼茶。$198再加一這個價錢食依個水準真係好抵。