御名園

营业中

休息中

今日到荔枝角探朋友，介紹左我地去碧海藍天Aeon的"御名園"食晚飯，來到酒樓，空間夠，坐得舒適，枱與枱之間距離好標準，因為見店員用尺量的。原來酒樓現有不少優惠，店員也有耐心推介。原盅花膠燉響螺湯 $38.8/位 x2這個每位袛限享用壹盅，酒樓確保食品新鮮度，售完即止，所以都係必點項目。用料不馬夫，湯水滋潤，清甜暖胃，飯前一盅剛剛好。清蒸海沙巴班（約一斤）$148條，蒸魚火喉剛剛好，魚肉十分嫩滑，又鮮味，性價比高。再點了這款水蜜桃意大利黑醋骨$88/例，賣相吸引，黑醋帶點酸，水蜜桃清甜，味道豐富，口感一流，剛好離骨，肉質爽口不韌。店員推薦今天芥蘭夠靚，點了XO醬咁下啫芥蘭 $88，芥蘭十分新鮮，爽甜，冇介紹錯。白飯 $15/碗 x2 茶位 $15/人酒店奉送的蕃薯糖水千層薑汁糕$28/3件雪燕焦糖燉蛋$48一位最後還再點了两款甜品，十分滿足。