獅城星馬餐廳 (已結業)

今日收工超級攰，男朋友約咗我去中環食呢間獅城星馬餐廳！諗住可以好好咁放鬆吓🤤餐廳喺蘭桂坊中心，所以地點都非常方便易搵！而且餐廳唔算好大，但係座位好闊落，食吓嘢傾吓計都係幾唔錯嘅選擇！👏🏻兩個人叫咗好多嘢食，其中一個最鍾意嘅就係呢度嘅招牌肉骨茶，有唔同人數嘅份量！我哋叫嘅呢個二人份量真係好足料！有好多豬骨，而且有唔同嘅配料！至於呢個肉骨茶嘅湯底非常濃郁！唔會好濃烈嘅藥材味道，飲落好香濃！好濃郁嘅豬骨味！另外仲叫咗馬拉沙嗲串燒拼盤4串，我叫咗豬肉同埋雞肉串，呢個豬肉串燒得好香口，而且配埋呢個秘製嘅沙嗲汁！食得好滋味！最後重點介紹嘅就係呢個參峇醬燒魔鬼魚翼！喺出面一般都好少可以食到魔鬼魚！而且呢個魔鬼魚翼好大隻！分量十足！呢個價錢來講可以話係性價比好高，非常抵食！至於呢個魔鬼魚食落都非常方便，都係一塊大嘅魚骨，然後魚肉一條一條咁斯落嚟！食得好爽！