遙

营业中

休息中

呢間土瓜灣小店性價比好高！平日好少去土瓜灣，趁今日要去果邊做嘢就係附近搵野食。經過見到呢間日本菜小店好似幾唔錯就一於試下。座位唔算好多，不過都唔會覺得好逼，環境都算OK。雖然店面細細但係原來menu選擇都幾多幾豐富。加拿大海膽必點！唔使$200就有半板海膽，好新鮮好鮮甜，大大啖入口即溶好好食！牛肉鍋都好好食，特別冬天時候食暖笠笠。雖然土瓜灣唔算係交通非常方便，不過周邊都好多唔同餐廳小店值得去尋寶搵食。