紅米 (億利工業中心)

营业中

休息中

響出邊做完嘢有個朋友叫我過去荔枝角同佢食飯，本來係食午飯嘅，但係因為大家都遲咗，所以變咗去嗰度食下午茶，跟住佢叫咗我去呢間紅米嗰度食。地點真係好方便，荔枝角地鐵站D2出口嗰條馬路行兩步就已經，好容易搵。返回門口就難睇少少，因為見唔到佢個餐廳名。入到去地方都算乾淨企理嘅，而且下午時間冇乜人。睇完佢個餐牌之後突然間有啲想食酸菜魚，所以就叫咗佢個老壇酸菜魚芫荽泡椒湯飯，出到嚟都好有驚喜，一來味道都好友酸菜魚嗰種味道，二來佢嘅份量都唔係細分，以下午茶來講性價比真係高，食落去亦都算係好味嘅。最後仲有小驚喜，就係如果每人食嘢超過$50仲有一杯雪糕送，所以今次下午茶都食得幾開心，而喺荔枝角區嚟計呢間性價比同味道都算幾好。