馬來一菜館

营业中

休息中

自從幾年前上環一間食喇沙嘅餐廳結業之後，好耐都無喺香港食過較好味嘅喇沙。嗰晚同c 去左一間酒店入面嘅馬來西亞餐館，希望揾到正野。個餐牌幾得意地有兩款喇沙，一款係馬來西亞嘅，一款係星加坡嘅。我叫左星加坡嗰種，即係個湯底加左椰漿 ，橙橙地色嗰款。馬來西亞嗰款無試過，佢睇落個湯較清，麵應該係油麵加米粉混合。講返我嗰碗，味係ok ,偏辣，有椰香味，但係總係覺得差左啲野。我唔識整喇沙，所以真係講唔出係咩。餸就standard, 都係魚片，豆卜嗰啲。碗麵份量較細，以呢個價錢無論係quantity 定 quality 都唔太底食。C 叫左碗蝦麵，個湯底唔錯，幾濃。不過都係幾細碗。聽講佢有啲餸都幾好食，不過個喇沙嘅失望後就無再叫其他野。