我點左粗麵配腩汁，加少少特製沙嗲醬，呢個係我最鍾意嘅湯底配搭，粗麵底麵質爽口，唔會煮到稔曬，配菜揀左通菜、豬紅、冬菇、魷魚、牛肚、牛筋，想講佢全部都勁足料，如圖所見，超級大碗，賣相勁吸引，冬菇煮得好夠腍同入味，豬紅唔腥，魷魚清爽，飲品我就推薦柑桔少冰，係呢個咁乾燥嘅天氣潤喉，我哋再嗌咗個腐乳通菜返嚟食，好掛住呢種車仔麵嘅原始味道，媽子則叫咗粗麵配腩汁，通菜、枝竹、豬皮、豬手、咖喱魚蛋，特別豬手同埋咖喱魚蛋都真係出色，豬皮洗得好乾淨，魚蛋彈牙之餘個咖喱辣到啱啱好，飲品佢就鍾意百香果少冰，同樣都係健康之選💕
