茶工房

营业中

休息中

見到茶工房主打蕨餅我終黎試下店舖仲有個限時套餐$60 包 3 件蕨餅＋大杯飲品，感覺幾抵食！另外仲買左迷你巴斯克蛋糕🥤 開心果拿鐵奶香同堅果味平衡得不錯，唔會過甜，飲落順口；不過如果你係重度開心果迷，可能會希望再濃郁一點。🍡 蕨餅3件份量足夠，口感非常軟糯，沾滿黃豆粉，配埋黑糖漿一齊食，好有日本街頭甜品嘅味道。🧁 迷你巴斯克蛋糕蛋糕體濕潤，芝士味夠香濃，表面微焦，整體唔會太膩，細細件啱啱好。店內座位唔多，店員服務有禮。作為一間小甜品店，無論價錢、味道都相當不錯有驚喜。如果鍾意食蕨餅，值得一試！