Bingle Bingle 空中列車烤肉

营业中

休息中

無論係午市定晚市，呢間餐廳既性價比都係好高。晚市一個餐百幾蚊 仲有野飲，lunch 食仲抵，lunch set 幾十蚊，湯，白飯，泡菜同中華沙律任添，應該都無之一。另外，餐係由空中列車送過黎 好似食壽司朗咁，都幾得意，見到小朋友會鐘意，食得特別滋味。餐廳抽煙系統都做得幾好，食完唔會成身都係油煙味，坐得舒服，食物質素同服務態度都唔差。最近有活動，每個餐都會比個銀仔去門口扭蛋，獎品都吸引，試過扭到免費兒童餐，紫菜蛋飯，五花肉，同其他餐既 discount，都幾吸引。所以自己都有不停返去食😆不過留意返 餐廳唔收現金，其他網上支付都收。