馬辣台式鴛鴦火鍋 (創興廣場)

营业中

休息中

雖然星期五六日同公眾假期前夕都要每位加錢，但係講緊每人都係唔使250蚊，火鍋配料選擇多，而且食物質素一啲都唔差，飲品方面除咗罐裝啤酒之外，仲有生啤自助任飲，其實呢個價錢都真係冇得輸。三款牛肉嘅質素都唔錯，起碼真係有牛肉味同埋少肥膏，脆肉鯇同埋白鱔片雖然每次嚟得少少，不過起碼唔會食到咁上下會鎖你機唔畀你再叫。至於自助火鍋配料我就鍾意牛筋、魷魚、牛柏葉、鵝腸同埋豬大腸，唯一缺點係佢啲餃類嘅味道麻麻地，另外值得一題係佢哋仲有手工甜品區，有即叫即做嘅棉花糖，真心正。