友人岩岩完成咗一个艰难工作，话要慰劳一下自己身心灵，要大饮大食一番。火锅放题咪岩晒啰。晚市任饮任食2.5小时，多D时间食野，仲可以倾到计。分A/B餐，黄金时段B餐都系$228位，今晚就食B餐。未开始火锅，食吓餐前小食如拍青瓜，药膳鸡脚仲有惊喜见到嘅自家制酸斋，酸甜度适中，冻冻地几惹人胃口。B餐肉类主打有无骨牛小排，手切肥牛，仲有鳝片。选好要边个餐，跟住梗系要选汤底，可以要鸳鸯锅。咁就醉鸡配芫茜皮蛋。鸡只另上，目测有半只鸡份量。煮熟就先食咗鸡件先，肉质几滑，不知不觉都食咗几件先烚牛肉。扫二维码仲有其他肉类，如五花肉片，羊肉片，牛舌等等。仲有少少海鲜如沙白，虾，青口，脆肉腩骨。有D特别牛部位系会收费，如牛胸爽 ($20)烚15秒嘅话会爽脆有咬口; 烚3分钟以上嘅话就会变得软糯又不失烟靭，食到油脂香味！喜欢食牛小排，嫩口又多汁，一转色就食得。其他火锅配料就放晒系自助区，都好多选择，每样夹少少都会好饱。睇下呢个阵容，想食嘅无理由唔夹嘅!有牛筋腩，放系个醉鸡锅汤烚，入口有醉鸡汤味，劲!甜品除咗有雪糕雪条，日式蛋糕/奶冻，盒装豆腐花外仲有手作甜品区拎咗牛油面包布丁，格仔饼及法式炖蛋，甜度岩岩好，有惊喜，系有再出去拎多转嘅。佢有自选热茶，多种茶包任配，食到咁饱饮杯热茶解腻都唔错。…查看更多
