晚市任飲任食2.5小時，多D時間食野，仲可以傾到計。分A/B餐，黃金時段B餐都係$228位，今晚就食B餐。
未開始火鍋，食吓餐前小食如拍青瓜，藥膳鷄腳
仲有驚喜見到嘅自家製酸齋，酸甜度適中，凍凍地幾惹人胃口。
B餐肉類主打有無骨牛小排，手切肥牛，仲有鱔片。
選好要邊個餐，跟住梗係要選湯底，可以要鴛鴦鍋。咁就醉鷄配芫茜皮蛋。
鷄隻另上，目測有半隻鷄份量。
煮熟就先食咗鷄件先，肉質幾滑，不知不覺都食咗幾件先烚牛肉。
掃二維碼仲有其他肉類，如五花肉片，羊肉片，牛舌等等。
仲有少少海鮮如沙白，蝦，青口，脆肉腩骨。
有D特別牛部位係會收費，如牛胸爽 ($20)
烚15秒嘅話會爽脆有咬口; 烚3分鐘以上嘅話就會變得軟糯又不失煙靭，食到油脂香味！
喜歡食牛小排，嫩口又多汁，一轉色就食得。
其他火鍋配料就放晒係自助區，都好多選擇，每樣夾少少都會好飽。
睇下呢個陣容，想食嘅無理由唔夾嘅!
有牛筋腩，放係個醉鷄鍋湯烚，入口有醉鷄湯味，勁!
甜品除咗有雪糕雪條，日式蛋糕/奶凍，盒裝豆腐花外
仲有手作甜品區
拎咗牛油麵包布丁，格仔餅及法式燉蛋，甜度岩岩好，有驚喜，係有再出去拎多轉嘅。
佢有自選熱茶，多種茶包任配，食到咁飽飲杯熱茶解膩都唔錯。
