早兩日 一行四人 銅鑼灣行街 經過呢間餐廳 就去試吓啦！
最後 真係好有D驚喜！
嗌咗幾樣嘢
首先上嚟係 青咖喱雞肉飯，咖喱香味幾足，
綠色嘅咖喱濃郁 但唔會太辣，雞肉又嫩又多汁，
搭配香米飯，送飯一流！
之後就係大蝦炒金邊粉，炒得夠鑊氣，應該係即炒
金邊粉夠熱、爽口，D蝦幾大隻 但味道就淡咗D
但有好多配菜，口感層次豐富。
最後，海南雞半隻 真係幾好食，冇雪味，雞肉嫩滑，配埋特製醬汁 正！
飲品 嗌咗兩杯珍多冰 味道沒特別
整體嚟講，呢頓晚餐真係幾滿意
不過D環境音樂 就老土咗D啦！
但氣氛都算幾好，性價比幾高，值得推薦！
