友誼泰國菜館

营业中

休息中

由舊舖已開始幫襯，之後收樓，到搵到新鋪重新開張。 唔可以講話係成個九龍城最高檔最好食嘅泰國菜，但一定係食得開心嘅其中一間。生蝦刺身鮮甜、肉質結實爽口。 加埋辣椒、蒜片同酸辣汁，好好嘅開胃前菜。蠔仔煎蛋熱辣辣鐵板上，蠔仔份量充足。 加埋芽菜同辣醬好香口香茅雞翼，表面炸得好脆，入面肉質仍然保持鮮嫩。 蝦餅亦都係表面香脆，而入面彈牙。檸檬燒牛肉表面燒得好香，而內層生熟度剛剛好，鮮嫩有肉汁。加埋個汁，酸酸辣辣。鹽燒烏頭都幾大條，同埋好入味。 燒魷魚亦都新鮮爽口。炒個菜再加個沙冰，好快樂而滿足嘅一餐。