快樂小羊火鍋料理 (銅鑼灣廣場一期) (已結業)

為慶祝荃灣店2週年(至7月尾)，鍋底免費同埋正價食品有75折，因為咁我哋又有藉口去快樂小羊，如果問我快樂小羊同小肥羊邊間好味啲，一定係快樂小羊，因為羊比較有質素同埋羶。🥢成雙鍋 (清湯+麻辣) 免費⭐️⭐️⭐️⭐️清湯比較濃郁，而麻辣初頭食唔太辣，食到中段辣先開始爆出嚟，兩款湯都係好味最多人叫。🥢黑松露羊肉丸 $88⭐️⭐️⭐️⭐️之前食過羊肉滑覺得一般，所以今次試松露羊肉丸，原來松露同羊又幾夾，一放入口就嚐到松露香，其次係羶羶羊肉，口感同味道都好perfect。🥢鴨血 (半份) $34⭐️⭐️🥢菠菜 (半份) $19⭐️⭐️⭐️⭐️鴨血我覺得唔ok，味道有啲怪同口感過份腍；菠菜夠嫰同翠綠，超吸湯超正。🥢蒙式烤羊串 $28x3⭐️⭐️⭐️⭐️一串算大串啖啖肉，肥瘦適中帶點羶而且帶點辣，起碼食兩串先滿足。🥢羊羊大拼盤 $268⭐️⭐️⭐️⭐️幾乎每一枱都會叫呢個打卡，其實3款肉都羶，多啲膏就一定最羶，如果第一次食快樂小羊，我都建議叫呢個拼盤。🥢響鈴 (半份 )$26⭐️唔係自家製，有油膱味又有啲腍，收呢個價錢太過份！🥢凍豆腐 (半份) $14⭐️⭐️⭐️⭐️土豆粉好似會太飽，所以叫咗冰豆腐，雖然勁吸湯但我嫌佢太鞋，但呢個係阿sir至愛一定會