富豪坊

营业中

休息中

舊老闆請食飯，要就我哋呢Ｄ仲捱緊騾仔既伙計，近近地在麗豪酒店搞掂。先每人來碗湯，係杏汁白肺湯，雖不能與皇仁舊生會等的頂尖級數相提並論，但總算清潤，豬肺清理得乾乾淨淨。選了一些點心，蝦餃燒賣以及腸粉都正路，沒有投訴。蘿蔔絲酥餅的賣相頗靚仔，一絲絲層次分明，咬落尚算鬆化，蘿蔔則可再甜美一些。另外，也喜歡熱呼呼的珍珠雞，寒冷天氣吃很好。又試下九肚魚，炸得鬆脆，但可再惹味一點。蟹肉炒飯，都幾夠乾身，我吃了兩碗。以一碗紅豆沙作結。其實，大家只志在聚聚舊，收下風，探下行情。