米走雞 (渣甸中心)

营业中

休息中

天氣乍暖還寒，朋友提議放工去打邊爐，我當然贊成啦！「米走雞」地點方便，一出銅鑼灣地鐵站行幾分鐘就到。坐低後，店員向我哋推介「金湯花膠桃膠雞鍋」，我哋聽到有花膠同埋滿滿嘅骨膠原就即刻揀選咗呢個滋補湯底。湯底色澤濃郁金黃，散發出陣陣雞湯香氣。鮮雞融合了花膠同桃膠嘅精髓，賦予湯底獨特嘅口感同豐富嘅營養價值。打邊爐之前一定要好好品嘗一下足料靚湯🥣本身個湯底已經有半隻鮮雞🐓同一些新鮮蔬菜🥬，我哋另外再添加左「澳洲和牛M8肩胛肉眼片」（細）「皇帝菜」同「香菇貢丸」。🥩雖然只係細order嘅和牛片，但係份量超多，有十多片。嫩滑嘅和牛片喺湯中迅速熟透，每一口都充滿鮮美嘅肉汁。🍢貢丸係我打邊爐必點嘅配料之一。貢丸彈牙有嚼勁，口感鮮美。🥬皇帝菜係一個清爽嘅配料選擇。蔬菜喺湯中煮熟後依然色澤翠綠，清新嘅味道讓食物組合更加平衡。餐廳環境舒適，座位寬敞，燈光柔和。店員服務周到，會幫我哋剪開隻雞同埋就算人客眾多，亦會不時替我哋更換碗碟及加湯底。