李家 (埃華街)

营业中

休息中

大角咀不嬲都好有好多小店美食，今次我哋就去咗一間食炸雞餐廳食午餐，一睇先知呢間餐廳原來有好多間分店。無骨半半炸雞我哋嗌咗個原味同甜辣味雙拼炸雞，另外加十元轉咗無骨，啲炸雞炸到外皮金黃鬆脆，咬落雞肉鮮嫩多汁，我自己比較鍾意甜辣味，甜甜辣辣口感更加豐富。芝士雞蛋卷上枱估唔到個雞蛋捲咁大件，一切開入邊啲芝士流晒出嚟，面頭加咗啲蕃茄醬同埋芥末醬直落更加有層次。泡菜鍋入邊有好多泡菜，另外有啲豆腐非常嫩滑同埋仲有啲金菇同埋啲豬肉粒，飲落湯底味道香濃，酸辣酸辣非常開胃。