多寶美食

营业中

休息中

好耐冇掃街喇~勁掛住臭豆腐，而家真係買少見少，行過見倒多寶有得食，忍唔住要食返舊先。落左單之後唔洗等好耐。臭豆腐($10) - 自從有小食店俾樓上住戶投訴臭豆腐太臭之後，除左臭豆腐買少見少，臭味亦大減。哩度嘅臭豆腐雖然唔係太臭，不過都聞倒臭味嘅，豆腐炸到外脆內軟，加埋甜醬食都好正！炸大腸($16/串) - 炸大腸係除左臭豆腐之外另一我最鍾意食嘅街頭小食，大腸皮炸到脆脆地，中間嘅豬腸好有咬口，加埋芥辣食好惹味。牛柏葉($13)/水魷魚($13)/墨魚($13)/魚蛋($10)  - 哩幾款小食如果外賣，店家都會放埋落同一個兜度，所以會係同一個咖哩汁底，咖哩汁少少辣幾惹味。牛柏葉幾爽口，唔會太韌。水魷魚幾爽脆。墨魚有咬口唔會太韌。魚蛋幾彈口。碗仔翅($22) - 杰度適中，質地唔會太似鼻涕，入面有好多雞絲，食完都幾飽肚，店家仲會問食客要唔要胡椒粉同醋。雙拼($25) - 即係碗仔翅拼生菜魚肉，入面都有幾舊魚肉。可樂($7/罐) - 夠冰凍，價錢合理。