樂天皇朝 (將軍澳中心)

营业中

休息中

食小籠包要有特色就一定係「樂天皇朝」嘅八色小籠包。如果有外國朋友嚟到香港，我都會帶佢哋去試吓呢度唔同口味嘅特色上海菜。講返呢度八色八種口味嘅小籠包，分別係原味、糟溜絲瓜、鵝肝、黑松露、芝士、蟹粉、蒜香、川味。餐廳都建議順着呢個次序落去食，咁樣先唔會比唔同嘅口味蓋過之前嘅口味。原味豬肉饀，肉汁充足，一口爆汁，可以加埋醋一齊食。係傳統嘅美味。糟溜絲瓜加入糟溜絲瓜，感覺濕潤爽脆一啲。感覺最清新。鵝肝加入咗鵝肝，鵝肝嘅油分令到小籠包更加甘香。黑松露黑松露混入豬肉，香氣極濃。芝士邪惡嘅芝士加埋豬肉幾好食，芝士香油完全過咗之前黑松露嘅香味。蟹粉又一經典嘅口味，蟹嘅鮮味混合豬肉，冇得輸。蒜香加入蒜蓉，蒜味豬肉有幾香口惹味。川味呢個川味麻辣就非常特別，辣辣地最後刺激返個味蕾。