三一餃子 (通菜街)

营业中

休息中

三一餃子其實都唔係第一次幫趁，之前係中環店一試難忘。聽聞佢有新產品Double松露流芝餃🧀🥟，有齊芝士同松露兩樣我最愛嘅食物，當然要搵機會試試啦。❤️我地12點幾到剛已經坐無虛席，餐廳充滿日式簡約風格，白色牆身加上木製枱櫈。餐具係可愛貓貓碗，非常寫意。double松露流芝餃 🥟主角當然係Double松露流芝餃啦，芝士先以兩片放到容器上，再以燭火係客人面前慢慢溶化，侍應再將熱溶芝士倒係煎餃上面，儀式感十足!👍🏻一層拉絲芝士令香脆嘅煎黑白松露豬肉餃十分有層次，啖啖芝士香與黑白松露香混合，必食之選!😍食完重口味嘅叫返啲清新啲，我哋分別叫咗🌽粟米豬肉餃拼韭菜蝦皮餃同蒜芯豬肉餃加烏冬，湯底以豆漿蝦湯襯托。😝豆漿蝦湯充滿豆乳香，入口之後蝦味隨之而來，無論配粟米豬肉餃或韭菜蝦皮餃都唔會蓋過餃子鮮味。🤩跟住仲有關東煮，關東煮係相信係鰹魚昆布湯比較鮮甜，材料都好豐富有溫泉蛋、魚蛋、魚片頭、獅子狗，呢啲做到咁好入味，同埋最緊要係蘿蔔清甜無渣，值得握介。🥰飲品由於無曬🍑白桃烏龍，所以兩支都係桂花烏龍，🌸桂花烏龍充滿桂花香，味清香少甜，解膩一流。仲有好多餃子口味未試，希望可以下次繼續試曬所有味。