ASOK THAI GARDEN

位於荃新天地嘅 Asok Thai Garden真係好方便，行街行到攰可以過嚟食餐靚飯。餐廳環境超有Feel，播緊柔和嘅泰國音樂，坐低就即刻好放鬆，好舒服。首先試咗 青檸吞拿魚北海道帶子鍋巴（$128），呢個真係好開胃，青檸味清新，吞拿魚同帶子都好鮮，配埋脆卜卜嘅鍋巴，食完之後個胃即刻打開哂，超正！之後食咗北海道帶子娘惹牛油貓耳粉（$158），呢個好香牛油味，貓耳粉好有嚼勁，帶子都超鮮甜，牛油同帶子味道好夾，食落口感豐富，真係好滿足。最後係蒜香班蘭烤羊架（$248），呢個羊架真係不得了，外脆內嫩，羊味好濃，但唔膻，配埋嘅薯蓉都係香滑到停唔到口。