Go Dutch Cafe

营业中

休息中

星期六放假想抖抖，只想自己一個人食餐好，去左屋企附近既一間隱世cafe，餐廳環境闊落又舒適，食物都好好食，我隔中都會食下。今日我自己一個人嗌左煙三文魚凱撒沙律同黑松露白汁雜菌意大利飯，再加洛神花茶。一個人食好似嗌多左，不過難得放假，要享受下。煙三文魚凱撒沙律新鮮，三文魚成朵花咁好靚，食落肉質鮮濃，嫩滑帶點煙薰味，醬汁都好開胃。黑松露白汁雜菌意大利飯都好好食，黑松露真係好濃郁，白汁奶味香濃，加上雜菌同軟硬適中既意大利飯，無得頂！最後飲啖洛神花茶，幫助下消化，又係心滿意足既一餐。