影片
更多
2017-08-26
521 浏览
今日做完facial 見天氣熱唔想行出商場，本身又鐘意食豬手，所以就落咗嚟呢間德國菜"PROST by King Ludwig" 一入到去，侍應帶咗我哋入咗去舞台側邊坐底，開始都ok，但原來每晚都會有live band，一開始唱，連計都傾唔到，太嘈，建議想傾計嘅朋友，坐返出啲。 好言歸正傳，講返野食先，入去之前已經見到門口張枱人地食梗隻豬手都幾大隻，所以一坐底，就只係叫咗豬手加兩杯啤酒先，唔夠先再叫其他野食。先嚟嘅當然係兩杯啤酒先啦！侍應都幾好，每隻酒都會介紹，但本人唔錯意咁苦味，所以就揀咗呢隻話比較甜嘅啤酒，一飲果然容易入口，適合女士，唔鐘意咁苦嘅朋友可以試下。再嚟當然就係主角啦，"豬手"嚟啦！其實係豬"爭"不過由我叫豬手啦😂😂，因爲侍應太快手，嚟到俾我哋睇一睇已經拎走咗去幫我哋切，影唔到原隻係點😓，所以只能同你哋講同圖真係一樣嘅樣，有少少敗筆，但都會有切開咗嘅樣俾你哋睇，呢樣野都幾好，侍應會幫我哋切埋，仲切得幾好，無乜浪費啲肉，切得好貼骨，好，開始食啦，皮都燒得ok，算脆，但唔係用刀叉切得斷嗰隻，但起碼用牙可以咬得開，肉質我就覺得比較硬，可以嘅話可以淋多少少就更好，但整體嚟講都
先嚟嘅當然係兩杯啤酒先啦！侍應都幾好，每隻酒都會介紹，但本人唔錯意咁苦味，所以就揀咗呢隻話比較甜嘅啤酒，一飲果然容易入口，適合女士，唔鐘意咁苦嘅朋友可以試下。
再嚟當然就係主角啦，"豬手"嚟啦！其實係豬"爭"不過由我叫豬手啦😂😂，因爲侍應太快手，嚟到俾我哋睇一睇已經拎走咗去幫我哋切，影唔到原隻係點😓，所以只能同你哋講同圖真係一樣嘅樣，有少少敗筆，但都會有切開咗嘅樣俾你哋睇，呢樣野都幾好，侍應會幫我哋切埋，仲切得幾好，無乜浪費啲肉，切得好貼骨，好，開始食啦，皮都燒得ok，算脆，但唔係用刀叉切得斷嗰隻，但起碼用牙可以咬得開，肉質我就覺得比較硬，可以嘅話可以淋多少少就更好，但整體嚟講都屬於中上嘅質數，可以推介大家食，但其實真係枱枱都有叫。
好，食完豬手，真係唔夠飽嘅，所以就叫多個pasta，"瑞士芝士面團配肉丸蕃茄汁" 個pasta幾有芝士味，面團咬落去個感覺幾特別，口感唔錯，唔會好諗口，係個肉丸反而麻麻地，有啲硬又無乜牛肉味，仲之就pasta幾好，肉丸就麻麻。
今次其實得兩個人，真係食得唔多野，但食物整體都幾好，下次再嚟食下其他野再介紹俾大家啦⋯⋯
张贴
