更多
2022-08-02
595 浏览
上次嚟過食lunch一直念念不忘這裏的環境和素菜的美味,今日約咗朋友食夜晚,可以再試多啲唔同嘅嘢食,晚上環境更加 Chill ,昏暗嘅燈光,配合佢哋美國復古風嘅裝修同埋擺設,真係完全唔似一間素食餐廳,我以為自己去咗酒吧飲酒,真係好鍾意👍🏻🍹Soy Shakes 🍫🍌▪️Secret $ 68秘密武器原來係我最鍾意嘅朱古力香蕉奶昔,雖然好肥,但係唔理得咁多,朱古力味超級香濃,香蕉雖然打溶咗,但係仍然會食到香蕉肉,面頭係好滑嘅Cream ,而且唔太甜,因為用豆奶做,感覺冇咁Heavy,好鍾意飲🍓▪️Strawberry $ 68 朋友話士多啤梨味做得好自然,味道就好似新鮮士多啤梨嘅香味,食到士多啤梨果肉,亦都係唔太甜,面頭Cream 同埋士多啤梨醬記住撈勻一齊飲,清新好味🫒▪️涼拌手撕雞 $ 78青瓜絲,磨得好碎既紅蘿蔔蓉,手撕素雞肉,醬汁係鹽焗雞醬,醬料配合所有食材都好好食 ,好開胃嘅一個涼拌前菜🫔▪️越式炸素春卷蒜香檸檬汁 $ 78生菜包住紅蘿蔔,白蘿蔔絲,好爽脆,素春卷好似一隻蝦咁嘅形狀,超級香脆,餡料我以為自己食緊蝦肉,配上酸酸甜甜嘅蒜香檸檬汁,好味🍢▪️炸豆腐串半泰式甜辣醬 $ 78必食推
上次嚟過食lunch一直念念不忘這裏的環境和素菜的美味,今日約咗朋友食夜晚,可以再試多啲唔同嘅嘢食,晚上環境更加 Chill ,昏暗嘅燈光,配合佢哋美國復古風嘅裝修同埋擺設,真係完全唔似一間素食餐廳,我以為自己去咗酒吧飲酒,真係好鍾意👍🏻
🍹Soy Shakes
🍫🍌▪️Secret $ 68
秘密武器原來係我最鍾意嘅朱古力香蕉奶昔,雖然好肥,但係唔理得咁多,朱古力味超級香濃,香蕉雖然打溶咗,但係仍然會食到香蕉肉,面頭係好滑嘅Cream ,而且唔太甜,因為用豆奶做,感覺冇咁Heavy,好鍾意飲
🍓▪️Strawberry $ 68
朋友話士多啤梨味做得好自然,味道就好似新鮮士多啤梨嘅香味,食到士多啤梨果肉,亦都係唔太甜,面頭Cream 同埋士多啤梨醬記住撈勻一齊飲,清新好味
🫒▪️涼拌手撕雞 $ 78
青瓜絲,磨得好碎既紅蘿蔔蓉,手撕素雞肉,醬汁係鹽焗雞醬,醬料配合所有食材都好好食 ,好開胃嘅一個涼拌前菜
🫔▪️越式炸素春卷蒜香檸檬汁 $ 78
生菜包住紅蘿蔔,白蘿蔔絲,好爽脆,素春卷好似一隻蝦咁嘅形狀,超級香脆,餡料我以為自己食緊蝦肉,配上酸酸甜甜嘅蒜香檸檬汁,好味
🍢▪️炸豆腐串半泰式甜辣醬 $ 78
必食推介,串串豆腐,每串有三件,細細粒一口一件,豆腐皮好香脆,豆腐中間好Juicy好多汁,點解可以咁好食,蒜蓉醬汁甜甜少少辣,調味超正,仲要有我最鍾意食嘅芫荽,好食到差啲想再叫多一碟
🍔Kobe’s Favourite (巨人漢堡)
▪️素漢堡扒伴惹味燒烤醬 $ 158
苜蓿芽,厚番茄,薯角,田園沙律
巨人漢堡包真係超級大個,鬆軟烘過的麵包,配上像真度極高嘅漢堡扒,好厚身又多汁,跟住就係超級厚既蕃茄加上燒烤醬,一邊食一邊流汁,味道好好惹味,苜蓿芽實在太多,可以同沙律食一齊食,另外新鮮沙律配黑醋汁,清新好食,仲有四件大大件嘅烤薯仔,好夠淋,加少少海鹽同埋茄汁就係最正
🍫🍨▪️朱古力心太軟配雪糕 $ 78
其實已經好飽,但係好想食,心太軟非常高質,好濃好濃嘅朱古力味,焗到中間係流心狀態,呢度係朱古力雪糕,味道濃上加濃,仲有脆脆嘅燕麥脆提子乾,好咁超級豐富,另外仲有面層毫不吝嗇加上大量嘅Cream ,朱古力醬同士多啤梨醬,好用心做既一個甜品,都係果句,雖然係好肥,但係I don’t care 😂😂😂
✨一想食素就會第一時間諗起嘅素食餐廳,仲有好多嘢食未試,但又有好多嘢食食完下次都會想再食,所以一定會再回訪
张贴