呢間餐廳兩三年前黎過一次，之後一直未有時間再去，今日再黎，感覺依舊。餐廳佈置像從前學校的課室一樣，枱櫈都是舊式的木枱木櫈，還有其他懷舊的佈置，是影相打卡的好地方。
這裡是自己到收銀處點餐，然後自行到廚房bar枱位置取餐。跟朋友安頓後，看過餐牌，便到收銀處點餐，而加仲會有個嘟嘟機提你去拎餐添!
台式滷肉便當($58)加配玫瑰洛神花茶($40)，這個套餐既滷肉飯唔算好大碗，滷肉唔算好肥，用黎送飯真係一流!滷水拼盤包括有滷水蛋、豬耳、豆干、海帶、雞翼及蘿蔔，這幾款都好入味，雞翼同蘿蔔都好淋！
洛神花茶有淡淡的玫塊味，另外再配有有糖的洛神花，如果唔夠味，可以自行再落調配，飲落酸酸地幾開胃!:)
萬巒豬手麵線($60)加配美祿恐龍($20)，麵線唔似港式既豬手麵，豬手是碎上，方便食用。麵線味道剛剛好，唔會太咸，如果唔夠味可自行到自助位置拎醋及辣油!美祿小時候已經好中意飲，仲附上美祿粉，唔夠味可以再落同埋飲緊果陣會有D咬口!
香腸蛋餅($40)，外面是脆卜卜的薄脆，內裡有蛋、芝士及黑橋牌香腸。芝士熱的時候還可以拉絲，香腸甜甜地脆卜卜，食落很惹味!
總括黎講，餐廳環境復古，岩哂文青到來影相打卡，而且食物味道不錯，遲下再同其他朋友黎影下相傾下計食下野!
