喫茶ちょうぼ

营业中

休息中

同好耐冇見嘅朋友食晚飯，揀咗一間位置方便係銅鑼灣既日式餐廳，喫茶，餐廳的設計走柔和日本風，枱與枱之間好有空間坐得好舒適。適逢就嚟萬聖節，見到餐廳都有啲萬聖節嘅裝飾，很有心思。炸七味雞軟骨，雞軟骨炸得好香口，又有軟骨，好有咬口，不知不覺好快就食晒成碟了。特大の海老蛋包飯，店員好細心會先問你使唔使影相先，影完之後佢就會幫你切開個蛋 ，個蛋半生熟流心出黎，食落亦都好滑。海老有兩大條，唔係淨係得個炸皮，入邊蝦肉都好多，同鮮味。極·厚切吉列豬扒定食，呢個名真係好岩，豬扒真係好厚，外脆內嫩，食落好有口感，而且配合埋滑蛋同埋醬汁好好味。日式布甸，布甸質地好滑，同蛋香味重，而且配合埋焦糖醬好夾。草莓沙冰，酸酸甜甜，好開胃呢。