朝日大勝 A V ラーメン

营业中

休息中

行街見到呢間拉麵店，裝修幾有特色，AV主題好新鮮，門口餐牌都幾吸引，雖然有人排隊等位，都決定試下，因為店舖比較細，只有3張二人枱加3個吧枱位，由排隊到食物上枱等左大半個鐘。老闆一人身兼廚房，侍應，執枱，見佢好忙都態度親切，點了廣島蠔拉麵加小食麻麻大波菜，主菜有3隻廣島蠔加兩片厚切叉燒，湯底蠔味鲜甜濃郁，蠔鮮甜，厚切叉燒半肥瘦，有咬口，整碗麵味道十分好，小食麻麻大波菜係冷盤，芝麻醬份量恰到好處，波菜清新鮮甜，值得一試，等了大半個鐘都整得！