影片
更多
2022-04-20
40 浏览
我可能有10年以上冇去過廟街😂我對廟街嘅印象依然停留喺好熱鬧，好多檔仔，一間間懷舊商鋪同餐廳嘅階段。今日因為有事情要做，同朋友經過廟街。原來廟街已經轉換咗一個新面貌，有唔少佈置新穎嘅餐廳。我哋行咗一陣，俾Heart Coffee 嘅簡潔明亮裝修吸引，於是決定入去試吓。Heart Coffee 嘅室內設計俾我有一種溫馨小花園嘅感覺。食物、飲品同甜品嘅選擇都唔少。我哋心大心細，樣樣都想試。最終揀咗一款主食，兩杯飲品同一客甜品。-深海比目魚柳炸薯條（$148）賣相精緻，有一張仿報紙印花嘅隔油紙墊住魚柳同薯條，而且薯條上面亦有新鮮嘅沙律菜作點綴。金黃色嘅脆漿唔會太厚，剛剛好包住比目魚柳。-沖繩黑糖泡沫咖啡（凍）（$56）甜度適中，咖啡味香濃，並冇酸味。雖然加左冰，不過飲到尾依然夠味。-泰茶鴛鴦（凍）（$56）用泰式奶茶整嘅鴛鴦好特別，我真係第一次飲！我本身都好鍾意泰式奶茶嘅香味，加上咖啡，分量調教得啱啱好，兩種味道都可以同時品嚐到。真心推介呢杯咁有Heart嘅鴛鴦！-芝士杏仁豆腐餅 （$55）呢款cheesecake有清香嘅杏仁味，亦有淡淡嘅豆腐香。蛋糕上面嘅杏仁新鮮脆口，食起上嚟多重層次，食
Heart Coffee 嘅室內設計俾我有一種溫馨小花園嘅感覺。食物、飲品同甜品嘅選擇都唔少。我哋心大心細，樣樣都想試。最終揀咗一款主食，兩杯飲品同一客甜品。
-深海比目魚柳炸薯條（$148）賣相精緻，有一張仿報紙印花嘅隔油紙墊住魚柳同薯條，而且薯條上面亦有新鮮嘅沙律菜作點綴。金黃色嘅脆漿唔會太厚，剛剛好包住比目魚柳。
-沖繩黑糖泡沫咖啡（凍）（$56）甜度適中，咖啡味香濃，並冇酸味。雖然加左冰，不過飲到尾依然夠味。
-泰茶鴛鴦（凍）（$56）用泰式奶茶整嘅鴛鴦好特別，我真係第一次飲！我本身都好鍾意泰式奶茶嘅香味，加上咖啡，分量調教得啱啱好，兩種味道都可以同時品嚐到。真心推介呢杯咁有Heart嘅鴛鴦！
-芝士杏仁豆腐餅 （$55）呢款cheesecake有清香嘅杏仁味，亦有淡淡嘅豆腐香。蛋糕上面嘅杏仁新鮮脆口，食起上嚟多重層次，食晒成件蛋糕都唔會覺得漏。
最近Keto Diet咁流行，餐廳都特別有一個生酮餐牌，主食、飲品同甜品通通都有！(連芝士杏仁豆腐餅都有Keto version!) 生酮飲食嘅人都可以同唔係diet緊嘅朋友一齊出街食飯，大家都選擇到自己喜愛嘅食物。
4月21號之後恢復返有晚市供應 ，我下次可以再去試吓食晚餐，同朋友慢慢傾慢慢食啦！不過店員好細心咁同我講話晚市外賣都好多優惠: 主餐牌所有食品一律8折、晚市外賣送炸雞翼4隻或飲品一杯($40以下)，餅櫃內蛋糕更有75折。
张贴