祥景茶餐廳 (已結業)

我同我朋友每人叫左一個餐係蜜桃豬扒飯。落單嘅時侯，個伙計唔知係唔係想講吓笑，我地叫餐，佢就不斷話我地係唔係叫殘餐，攪到我地有少少尷尬。之后個餐好快就上，味道唔錯。佢地唸到呢個餐證明佢地肯花心思係食物上。但食左一陣，期間我同朋友就傾吓計，同周圍D學生冇咩唔同。點知又係同一個伙計，佢叫我地唔好成日掛住吹水。我同朋友即刻呆左，唔敢出聲。又過左一陣，另一個伙計問我地可唔可以快D飲完個餐飲，話有大把人係出面排隊，我冇話唔得，仲快快手，未飲完杯野就走人。我朋友話，呢間茶餐廳D伙計嘅態度一直都好差，佢少不免都唔會去食。而我就第一次見識到有侍應會直接叫人快D走，唔好阻住佢地。我自問自已都食都幾快手...雖然佢D野食係幾好食，但我真係有D怕佢D伙計。以后我都唔會去食。希望佢地能有所改善!