二兄車麵館 (已結業)

經過大圍入咗去呢間二兄車麵館，佢喺大圍火車站一直行去到油站嗰度，位置都算幾方便。今次同朋友去叫咗個咗個招牌大碗麵同埋籠仔荷葉蒸蝦球飯。招牌大碗麵有得揀湯底，我揀咗沙嗲湯底，個湯底好濃，入面啲餸有豬皮蘿蔔、紅腸、咖喱魚蛋、雞翼、雞翼尖，每樣餸個水準都唔差，個豬皮好入味，另外最好食嘅係雞翼尖，醃得好好食😋本身仲諗住專登叫個雞翼尖外賣，不過好可惜佢話雞翼尖淨係可以配車仔麵，冇得就咁嗌。另外嗌咗個籠仔飯，份量好足，一個人食嘅話超級飽。