夜首爾

营业中

休息中

閨蜜去完旅行✈️返嚟，搵我俾手信派利是🧧，佢好醒目揀咗食韓國菜，避免中菜嘅新年期間+2收費。坐低之後，我發覺附近隔籬左右嘅枱，都係派手信派利是，充滿著新年嘅祝福哈～呢間餐廳韓國🇰🇷人主理，一坐低就上咗好多碟泡菜，全部都好美味😋。🐖厚切五花腩$180 五花腩肥瘦相間，而且均勻，放係鐵板上，唧唧喳喳聲，燒好咗嘅五花腩，沾上淮鹽，已經好甘香惹味。我哋另外重點咗一客「韓式生菜配包飯醬$60」，五花腩配以蔬菜🥬、韓式麵豉醬、蒜片簡直令燒肉升華，口感豐富。🐂特大牛肋骨$320真係好大塊😆，牛肋骨黐住一片好長嘅牛肉，燒牛肉時已經香噴噴，令人垂涎三尺🤤，我哋燒到啱啱熟，牛味濃郁，好好食😋。再飲返啖冰凍酸酸地嘅「韓國紅醋水$40」，好爽😄～🐓人蔘雞粥$120呢個我點㗎，意喻今年豐衣「粥」食，雞粥真材實料，裏面有雞肉、人蔘、紅棗等，每一口都有有雞汁嘅香醇，仲有參味嘅回甘，食完又暖心又暖胃。