趁着家人，都不在家食飯，今晚都是為一下自已。相約朋友一起食個豐富、暢快的晚餐，一起食一起聊天，疫情快遠離我哋，相信我哋食得更開懷大笑😄。
兩小時的放題燒肉、火鍋，個口、胃不停食及消化。
不同時段、有不同的價錢，真心的低食，魚生刺身，因應價錢，都是任食。
入門門口，站立了一個超人、及其它模型，相當吸引。
入到坐位，都相當闊落，衛生、保持社交距離。
急不及待，走去看一次，有什麼好食，分不同的食物擺放，火鍋可以一人一鍋。非常多選擇！
燒烤區，肉類種類繁多、黑椒牛扒、雞珍、五花腩肉，調味味道不錯👍，唔需要再增加調味。
黑椒牛扒，薄薄地，燒一下就食得，五花腩燒乾身些會好食些，夠脆口，雞珍爽口有咀嚼。
沙律菜新鮮又爽甜。
魚生刺身，都是任食，三文魚腩，夠肥美，油脂香濃，入口即溶。
火鍋湯料味道，都有三款，日式豬骨湯、壽喜燒湯、韓風辣湯，我哋選了壽喜燒湯底，我地多選蔬菜為主，平時生活，都是少菜多肉，燒烤已是肉類了。我地用的湯底已好足夠味道，唔需要加入醬油調味，剛剛好！
熱食蔬菜，都好爽口新鮮，又夠熱，我是最怕食到些半熱的。
除咗燒肉、火鍋、沙律、魚生刺身、壽司外，仲有點心、甜點、飲品，多不勝數⋯⋯。
