南越餐廳

呢間南越餐廳唔係連鎖店嚟㗎，所以佢嘅味道都唔係度度食到！佢間舖都幾大，但長期Lunch都坐滿人！佢午餐其實同普通Menu無分別，但就送飲品。

三寶撈檬

$58

豬扒撈檬

$52

佢啲餸超多，但粉仲多，撈檬連埋啲餸成座山咁高。我有時都食唔哂，撈檬夏天食一流，而且啲汁好開胃😋有青瓜絲、酸蘿蔔絲同花生粒。我覺得豬扒最好食，啖啖肉，而且出面煎到好脆，如果Share食就可以大家叫唔同嘢，因為咁樣都已經每人食到幾嚿～再加個上湯時菜就👍🏻👍🏻👍🏻。但如果一個人食，食三寶都好正。雞扒最麻麻，而且仲貴過豬扒，所以唔使食。同事話湯檬都好好食，個湯好清，有機會可以試下👍🏻👍🏻👍🏻
呢間越南粉性價比超級高，平靚正❤️50幾蚊食到飽一飽正呀！