泰亞萊海南雞專門店

营业中

休息中

同阿女去深水埗買電腦零件，見近晚飯時間，行咗去福榮街搵食，見到泰亞萊海南雞專門店 ，一向喜歡食海南雞嘅我哋，即入座去試吓！餐廳裝潢簡潔，地方整潔乾淨。主打泰國菜。招牌海南雞飯，海南雞是去骨的， 雞肉嫩滑，雞皮爽脆， 有少許啫喱狀雞油 。油飯散發著淡淡油香味，味香而不油，醬汁是泰式辣椒醬，蘸上泰式辣椒醬，令雞肉更惹味。冬陰公四寶湯粉，以爽滑的檬粉搭配酸酸辣辣的泰式冬陰公湯底，清爽口感與惹味湯底是完美配搭，配料亦十分豐富，有大蝦、扎肉、墨丸、豬肉丸，全部都好爽口。升級套餐追加：泰式炸蝦餅炸得呈金黃色，香脆又可口，肉質爽彈。大菜糕口感清爽，味道香甜。椰汁冰、椰汁涼粉冰，椰汁味香濃，加左涼粉口感更佳。