川火堂

营业中

休息中

中午套餐四十幾蚊就有交易，喺銅鑼灣區基本上搵唔到。最緊要係食物真心好食、正宗、地道。1. 麻辣豆腐 （$48有一碗白飯同野飲）豆腐好滑，辣味適中，唔會太辣，麻味好夠，食得好過癮，而且好惹味，$48有餸、有飯、有野飲，真係平到笑，最緊要係好好味。2. 回鍋肉（$58都係有一碗白飯同野飲）回鍋肉係豬腩位，一層肥一層瘦，好有肉味，辣味好有層次，唔會死辣，啲配料吸收曬啲醬汁，好惹味，好好送飯。3. 麻辣香鍋呢個真係必點，將自己揀嘅料加麻辣乾料爆炒，實在太好食。