泰象館茶餐廳

营业中

休息中

一直以來對九龍城的印象都是五花八門的泰式店，有時揸車經過都會買芒果糯米飯，而家開左宋王臺站，出咗地鐵站就係九龍城，泰式店同泰式餐廳都有好多，不過依排啱啱成日食泰國嘢，所以想試吓其他風味，咁啱見到有間茶餐廳，見餐牌都係港式食物比較多，決定入去試試！先講餐廳環境，餐廳裝修比較新，而且環境比較寬敞，餐廳嘅餐牌選擇都多，有小菜、碟頭飯、公仔麵餐、各種下午茶小食選擇，職員都幾友善。感覺上餐廳都是以街坊生意為主，價格比較親民。今次點了星洲炒貴习 、西多士 、越式生牛河 沙嗲牛肉包配沙律 ，每個餐都包嘢飲。先講炒貴刁，份量都好多，入口都幾惹味，值得一提嘅係吵得比較乾身，啲河粉唔會黐住晒。生牛肉份量好多，湯底清甜西多差唔多有一蚊厚，炸得岩岩好，油分不多、花生味濃，配上牛油和糖漿，正！沙嗲牛肉包幾特別，平時嘅豬仔包配上沙嗲牛肉，出奇地Match，最鍾意嘅係鋪滿芝麻嘅豬仔包，更香脆可口，抵讚！