翁記潮州粉麵

营业中

休息中

話說最近用多咗錢，擔心月尾會好手緊，所以今日食平啲，去咗呢一間位於皇后大道西嘅粉麵小店到用膳。話明係平民食店，除左間店夠的式，啲價錢都好的式啊！大感動放送價。簡單坐低叫碗「墨魚丸河」，只需要十八塊！雖然份量一定唔會食到你十足飽，但普通OL仔，八九成飽已經好夠喇，信心保證一定唔會做大嘥鬼啊。其實仲有少少餓？建議你可以加少少錢叫多個菜或者雙餸都係唔錯嘅選擇！嗱，咪話我唔提醒啊，太多人又要坐埋一枱就難啲。想儲錢又咁啱獨食？翁記啱哂你。