老北京餛飩皇

营业中

休息中

同朋友去旺角買嘢，晚餐時間周圍都好爆，咁啱經過呢間舖見到有位就直接入咗去，店舖尚算乾淨企理。我同朋友一人叫咗一個面，我嗰個係蔥油拌麵，佢係炸醬拌麵，另外再嗌多一份湯餃子同埋小食海蜇頭。麵質做得唔錯，有咬口，蔥油好香，送面一流，佢做得幾好地方係蔥油唔會份量過多，啱啱好，食落唔會感覺太油膩。朋友個炸醬麵我都食咗一啖，炸醬好入味同時唔會太鹹，可惜兩個面嘅份量都唔多，正常男人食量應該唔夠飽如果食一個面的話。餃子好普通，皮尚算薄，但味道唔會太出眾，有啲失望。海蜇頭可以一試，非常爽口，調嘅醬汁亦都好開胃作為前菜非常適合。