盈暉海鮮酒家 (已結業)

經過荔枝角，見到好多人等緊佢下午茶，就入去試一試。下午茶兩點開始，一點九已經有人喺度排緊隊。蘿蔔糕值得一試，有蘿蔔味，同埋都幾足料。叉燒瀨粉就唔好叫啦😂叉燒完全唔好食，早知叫油雞😂鮮竹卷都幾好食，食落去仲脆脆地。燒賣都唔錯，肉質彈牙。最特別係呢個咖哩牛筋，好少酒樓有，滿滿骨膠原食落去😋😋鳳爪好入味，不過下午茶張紙就冇得嗌，要正價單叫。可惜呢個商場無得免費泊車，泊車時租平日都要22蚊一個鐘。埋單兩個人下午茶食咗180蚊。