巧興麵食店

营业中

休息中

聽聞土瓜灣有間屹立三十多年的北京風味餃子麵食店，仲被視為”土瓜灣三寶之一”，今日決定搭巴士再轉地鐵黎一探究竟。是日禮拜六下晝非繁忙用餐時段，黎到嘅時候未見其他食客。店內其中一位媽媽正在起敬包餃子，其他兩位媽媽就係廚房裡面忙碌。小店嘅環境唔單只樸素，可以講係比較簡陋，牆上嘅餐單簡潔明瞭，無花多眼亂嘅選擇。巧興既然主打北京餃子，當然要試下。叫左半分三鮮煎餃($25)，餃子煎得剛剛好，入口香脆，餃子皮厚度適中，而且又唔會太大隻，裡面嘅餡料肉汁香甜，係我喜歡嘅味道。另外炸醬麵($35)也頗有驚喜，肉醬汁份量足夠，而且咸甜適中，麵也夠煙韌，會令人食過翻尋味。小店內部環境雖然普通，但係食物嘅質素唔錯，感覺是用食物俘虜街坊用心經營的小店。埋單嘅時候留意到收銀臺旁邊貼著一張紙寫上 “事臨頭三思後行，怒上心一忍為高，退一步天空海闊，讓三分心平氣和”。收穫了一碗麵，一份餃子嘅美味之余，還提醒了自己與人相處謹記謙讓同包容。