金御海鮮酒家 (恆豐中心)

营业中

休息中

今日同老婆去飲茶，雖然兩個人，但係我一個等於兩個人食量架嘛，叫左碟牛腸，糯米雞，排骨，雞扎，奶皇包，牛柏葉，咖喱魷魚，春卷連茶價埋單都係百幾蚊，D野食雖然唔係話真係好正，但已經算唔差，尤其個流沙奶皇包，差D比佢辣親，話晒大酒樓環境，以呢個價錢真係好抵，我地去個時唔知兩點後入座仲有特價錢添，咁咪仲平囉！最緊要係唔多使等位，基本上去到都有位，不過要彈D冷氣真係唔講得笑，女仕唔帶衫變雪條都似！