東京淺草炸雞專門店 (黃大仙中心南館)

营业中

休息中

記得淺草炸雞啱啱登陸香港嗰陣，都幾哄動，餐廳門外都要排隊等入座。但依家晚餐時間經過，見唔使等位，即刻入去食返餐先！成間餐廳都好細間，可能得20張枱左右，6:30入座，都淨係得兩枱單人食客，入座後快快睇吓Menu，發覺好似比以前少左啲菜式？最後叫咗個親子丼定食。大約等咗10分鐘就上菜，不過賣相睇落有啲普通，親子丼嘅蛋睇落好散好稀，雞肉食落有啲雪藏味，感覺解凍唔係處理得太好。之後到兩件炸雞，溫度微暖，我期望係熱辣辣，始終都係賣炸雞嘅店，有啲失望呢！味道正常發揮，有少少肉汁，不過不失。跟餐嘅麵豉湯唔會好鹹，都算飲得落口。呢個價錢，呢個質素，都合乎性價比嘅，只係當初對呢間炸雞過江龍有啲期望太高，應該短時間內都唔會再食。